«Суратли тажвид» (Ўзбекча-арабча)

«Суратли тажвид»
(Ўзбекча-арабча)

Китобнинг яна бир янгилиги шундаки, унда мавзуларга оид кўпроқ маълумот бериш учун QR кодлар орқали видео маълумотларга ҳам ҳавола берилган.

Муаллиф: Доктор Айман Рушдий
Таржимонлар: Абдулбосит Абдуллажонов, Тоҳир Аҳадов, Фозилжон Абдулқайюм
Нашриёт: «Hilol-Nashr» нашриёт-матбааси
Сана: 2022 йил
Ҳажми: 264 бет
ISBN: 978-9943-6459-1-2
Ўлчами: 60×84 1/8
Муқоваси: қаттиқ

Ўзбекистон Республикаси Вазирлар Маҳкамаси ҳузуридаги Дин ишлари бўйича қўмитанинг 2022 йил 19 апрелдаги 03-07/2941-сонли тавсияси ила чоп этилган.

Ушбу асар машҳур Қуръон устози доктор Айман Рушдий Сувайднинг «Суратли тажвид» китобининг ўзбек тилидаги таржимасидир. Доктор Айман Рушдий Сувайд 1955-йилда Суриянинг Дамашқ шаҳрида таваллуд топган. 1982-йили ал-Азҳар дорилфунунини тамомлаган бўлиб, Қуръони Каримнинг ўн қироатини жамлаган моҳир мураттаб қоридир. Бутун дунёда машҳур Қуръон устозидир. Доктор Айман Рушдий Сувайд Иқро (Иқраа ТВ) телеканалида бериб бориладиган машҳур тажвид дарслари туркумининг муаллифи. Бутунжаҳон мусулмон уламолар уюшмасининг Қуръонни ёд олиш бўйича маслаҳатчисидир.

Доктор Айман Рушдийнинг ушбу асари Қуръон ўқишни ўрганувчилар учун ўзбек китобхонларига асл нусхаси билан бирга ва муаллифнинг расмий рухсати асосида илк бор тақдим қилинмоқда.

Китобда тажвид қоидалари ҳақида батафсил маълумотлар берилган бўлиб, ҳарфларнинг махражлари юқори сифатли суратлар билан кўрсатилган.